РФ доруобуйа харыстабылын миниистирэ Михаил Мурашко атырдьах ыйын 31 күнүгэр коронавируһу утары вакцинаны биэрии сэтинньи-ахсынньы ыйдарга ыытыллыа диэн иһитиннэрдэ.
— Балаҕан ыйыттан эрэгийиэннэргэ тиэрдиини саҕалыахпыт. Хас да вакцина оҥоһуллан, регистрацияны күүтэллэр. Онон сэтинньи-ахсынньы ыйдарга муҥутуур элбэх кээмэйинэн маассабайдык оҥорон, дойду үрдүнэн тарҕатыахпыт. Кирииби уонна коронавируһу утары быһыылары араартыахха наада. Билигин регистрация кэнниттэн чинчийиилэри 2,5 тыһыынча киһиэхэ ыыта сылдьабыт, барыта 40 тыһыынча киһи буолуоҕа, — диэн кини эттэ.
Билиҥҥи туругунан, Арассыыйаҕа коронавируһунан ыалдьыбыт киһи ахсаана 1 мөлүйүөҥҥэ чугаһаата, 810 тыһыынча кэриҥэ киһи үтүөрдэ, 17 тыһыынчаттан тахса киһи тыына быһынна.
Ангелина Васильева, «Саха сирэ» хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1