В.К. Арсеньев аатынан бириэмийэ дьүүллүүр сүбэтигэр кимнээх киирдилэр?
В.К. Арсеньев аатынан «Уһук Илин» литературнай бириэмийэни тэрийэр кэмитиэт тэрээһин хаамыытын уонна дьүүллүүр сүбэ састаабын иһитиннэрдэ. Бу туһунан godliteratury.ru суруйар.
edersaas.ru
ТАСС ыыппыт онлайн пресс-кэмпириэнсийэтигэр РФ бэрэсидьиэнин култуура боппуруостарыгар сүбэһитэ Владимир Толстой, Арассыыйа Федерациятын Бэрэсидьиэнин Уһук Илин федеральнай уокуругар боломуочуйалаах бэрэстэбиитэлин солбуйааччыта Григорий Куранов, суруйааччы, Госдуума дьокутаата Сергей Шаргунов, бириэмийэ куратора Вячеслав Коновалов уонна да атын биллиилээх дьон кытыннылар.
Пресс-кэмпириэнсийэ кэмигэр сайаапкалары хомуйууну уһатар туһунан эттилэр. Ол курдук сайаапкалары хомуйуу бэс ыйын 30 күнүттэн от ыйын 30 күнүгэр диэри уһаан биэрдэ. Онтон балаҕан ыйын 30 күнүгэр «уһун испииһэги», сэтинньи 30 күнүгэр «кылгас испииһэги» итиэннэ түмүгү ахсынньы ортотугар таһаарыахтара.
Вячеслав Коновалов дьүүллүүр сүбэ састаабын билиһиннэрдэ. Ол курдук:
Василий Авченко (Владивосток) — суруналыыс, суруйааччы;
Андрей Аствацатуров (Санкт-Петербург) — филолог, суруйааччы, Набоков мусуойун дириэктэрэ;
Павел Басинский (Москва) — кириитик, суруйааччы, колумнист;
Михаил Визель (Москва) —ырытааччы, редактор, тылбаасчыт;
Александр Дорофеев (Москва) —суруйааччы, худуоһунньук-реставратор, иллюстратор, «Мурзилка» сурунааал эппиэттиир сэкиритээрэ;
Павел Жданов (Магадан) — «Охотник» кылаабынай редактора:
Наталья Милянчук (Владивосток) — филолог;
Андрей Рубанов (Москва) —суруйааччы, сценарист;
Александр Ф. Скляр (Москва) — рок-музыкант;
Анастасия Строкина — суруйааччы;
Дьүүллүүр сүбэ бэрэссэдээтэлэ — Литературнай институт ректора, суруйааччы Алексей Варламов.
Хаартыска godliteratury.ru
edersaas.ru