Бэҕэһээ, олунньу 20 күнүгэр, РФ бэрэсидьиэнэ Владимир Путин Федеральнай Мунньахха Анал этиитин иһитиннэрдэ. Кини быйыл 13-с төгүлүн Анал этиитин оҥордо. Мунньахха Ил Дархан Айсен Николаев кыттыыны ылла.
edersaas.ru
Владимир Путин Анал этиитин кэнниттэн, Айсен Сергеевич бэйэтин санаатын үллэһиннэ. “Дойду аҕа баһылыга дьадаҥы буолууну кытта охсуһуу, дьиэ кэргэни өйүүр туһунан эттэ. Анал этиигэ чопчу сыаллар-соруктар ыйыллыбыттар. Эбии төлөбүр, ипотекаҕа кирэдьииттээх ыалларга көмө, нолуокка чэпчэтии туһунан этилиннэ”, – диэн Ил Дархан эттэ.
Айсен Николаев бэрэсидьиэн туруорбут үгүс соруктара Саха сиригэр быһаччы сыһыаннаахтарын бэлиэтээтэ. Ол курдук Саха сиригэр экологияны уонна национальнай пааркалары тупсарыы соруктара тураллар.
Биһ. корр., edersaas.ru
+1
+1
+1
+1
+1
+1
+1