Узбекистантан аҕалыллар тыа хаһаайыстыбатын бородууксуйатын туһунан кэпсэтиэхтэрэ

Узбекистан бэрэстэбиитэллэрэ СӨ бырабыыталыстыбатын чилиэннэрин уонна урбаанньыттары кытары көрсүөхтэрэ. Өрөспүүбүлүкэҕэ аҕалыллар тыа хаһаайыстыбатын бородууксуйатын туһунан кэпсэтиэхтэрэ. 

Дьыалабай кэпсэтиилэр бүгүҥҥүттэн саҕаланалларын туһунан СӨ Тас сибээскэ департаменын СНГ уонна эрэгийиэннэр икки ардыларынааҕы отделыттан иһитиннэрэллэр.

Ыраахтан кэлбит ыалдьыттар маны сэргэ, атыы-эргиэн кииннэригэр, производственнай эбийиэктэргэ сылдьыахтара, дойдулаахтарын кытары көрсүөхтэрэ.