Олунньу 3-4 күннэригэр Покровскайга Спорт дыбарыаһыгар «Хаҥалас хапсаҕайа» өрөспүүбүлүкэ таһымнаах күрэхтэһии уонна ССРС, РСФСР, Саха АССР спордун маастара, Саха АССР култууратын үтүөлээх үлэһитэ Илья Петрович Кондратьев сырдык кэриэһигэр муҥутуур кыайыылааҕы быһаарар турнир бэрт тэрээһиннээхтик ыытылыннылар. edersaas.ru
Быйылгы түһүлгэ муҥутуур кыайыылааҕын иһин 7 бөҕөс илин-кэлин кииристэ. Финалга Үөһээ Бүлүү ааттааҕа, өрөспүүбүлүкэ хапсаҕайга хас даҕаны төгүллээх чөмпүйүөнэ Увар Тимофеев уонна Бүлүү улууһуттан спорт маастара Дмитрий Акимов кииристилэр.
Киирсиини көр:
Өр эрийсиилээх киирсии кэнниттэн, бириэмэ бүппүтүнэн сэрэтиинэн Увар Тимофеев кыайыылаах таҕыста. Былырыын бу күрэхтэһии муҥутуур кыайыылааҕын быһаарыыга эмиэ Увар Тимофеев бастаабыта, сэрэтиинэн Нам бөҕөһүн Игорь Софронеевы кыайбыта.
Увар санаатын үллэстэр: