Уопсастыба

Ууттан дьону быыһаабыт хорсун санаалаахтарга махтаннылар



Нерюнгри  оройуонун дьаһалтатыгар ууттан дьону быыһаабыт хорсун санаалаахтарга махтаннылар. Бу туһунан мэдиссиинэ кэллиэһин  ыстаарсай методиһа Ирина Кузьмина суруйар. 

Оройуон баһылыга Виктор Станиловскай Анастасия Новиковаҕа, Мария уонна Даниил Гончаровтарга махтал суруктары туттарбыт. Баан үлэһитэ Анастасия үс оҕону өрүс сүүрүгэ илдьэн баран эрэрин көрөн, биэрэккэ тахсалларыгар көмөлөспүт. Кэргэннии Гончаровтар сынньана сылдьан, ууттан дьахтары быыһаабыттар, мэдиссиинэ бастакы көмөтүн оҥорбуттар, суһал көмөнү ыҥырбыттар.  Мария мэдиссиинэ кэллиэһин устудьуона,  Даниил пуойас машиниһа.

Мария кэпсээбитинэн, кинилэртэн чугас сөтүөлүү сылдьар кыргыттар биир дьахтар олус дьиктитик харбыы сылдьарын эппиттэр. Ону истэн кэргэнэ көрөн, ууга көхсө эрэ көстөр дьахтары онно сынньана кэлбит эр дьону кытары ууттан таһаарбыттар. Мария кэллиэскэ үөрэппит үөрэхтэринэн бастакы көмөнү оҥорбут. Оттон үөрэнэр кыһатын кэлэктиибэ хорсун санаалаах үтүө быһыыны оҥорбут устудьуоннарынан киэн тутталларын биллэрэллэр.

2
0

Санааҕын суруй