Уустук балаһыанньаҕа түбэспит урбаанньыттары үбүнэн өйүөхтэрэ
Муус устар 21 күнүгэр Саха сирин баһылыга Айсен Николаев Дьоҕус уонна орто урбаан субъектарын өйүүр бастакы уочараттаах миэрэлэр ыйаахтарыгар уларытыылары киллэрэр туһунан Ыйаахха илии баттаата.
edersaas.ru
Бу докумуоҥҥа олоҕуран, коронавирус инфекцията тарҕаныытыттан сибээстээн эмсэҕэлиир балаһыанньаламмыт урбаанньыттар Саха Өрөспүүбүлүкэтигэр көрсүбүт ороскуоттарыгар субсидия быһыытынан үбүнэн көмөнү ылыахтара.
Ол курдук, бу урбаанньыттары өйүүр бастакы уочараттаах миэрэлэр куонкурус түмүгүнэн бэриллиэхтэрэ:
• 2020 сылга РФ Киин баанын тутаах ставкатын кээмэйинэн урбаанньыттарга кэмиэрчэскэй бааннартан уонна лизини биэрээччи дохуотун чааһыгар лизинг төлөбүрдэригэр ылбыт кирэдьииттэригэр бырыһыаннарын төлөбүрүгэр;
• нолуоктааһын патенныыр тиһигин туһанар биирдэм урбаанньыттарга страховой усунуостарыгар олохтоммут төлөбүрдэрин (50 быр. ордуга суох) төлүүргэ;
• Саха Өрөспүүбүлүкэтин Ил Дарханын Ыйааҕынан олохтоммут хааччахтааһыннарга түбэспит арендатордар ороскуоттарын чааһын субсидиялааһыҥҥа;
• интернет-маҕаһыыны, сайты арыйыыга уонна (эбэтэр) аһылык табаара буолбатах эргиэн тэрилтэлэригэр бэлэм маркет-плейскэ, ону тэҥэ олохтоох табаары оҥорооччуларга, уопсастыбаннай аһылык тэрилтэлэригэр (урбаан биир субъегар 100 тыһ.солк. диэри).
Итинтэн да атын үбүнэн өйөөһүннэр тустарынан туһааннаах ыйаахха ааҕыҥ.
Женни СТРЮКОВА, “Саха сирэ” хаһыат
Хаартыска: интэриниэттэн