Сотору кэминэн Үөһээ Бүлүү улууһугар өрөспүүбүлүкэтээҕи XV Олоҥхо ыһыаҕа киэҥ далааһыннаахтык ыытыллыаҕа. Соторутааҕыта ыһыахха бэлэмнэниини көрө-истэ бара сылдьан, Кэнтик нэһилиэгэр олорор, СӨ үөрэҕириитин туйгуна, Үөһээ Бүлүү улууһун уонна Кэнтик нэһилиэгин бочуоттаах олохтооҕо, кыраайы энтузиаст-үөрэтээччи, энциклопедическэй билиилээх-көрүүлээх, ураты санаалаах-толкуйдаах Василий Иванович Алексеев – Бааһынай Баһылайдыын олоҥхо тиэмэтигэр, Чап уустарыгар аналлаах мусуой дьиэтигэр оллоонноон олорон, кэпсэппиппит интэриэһиргэтиэ диэн эрэбит.
Василий Иванович чуолаан урут олоҥхоһуттар олус элбэхтэритэн саҕалаан тимир уустара туох сүдү оруоллаахтарын, быйыл Үөһээ Бүлүүгэ ыытыллыахтаах Олоҥхо ыһыаҕар туох-ханнык уратылар баар буолуохтарын сөбүн туһунан саас-сааһынан олус умсугутуулаахтык, интэриэһинэйдик кэпсээтэ.
Александр Тарасов