Өрөспүүбүлүкэҕэ коронавируһу утары муҥутуур ыксаллаах быһыы-майгы биллэриллибитинэн сибээстээн, улуустарга кэккэ миэрэлэри ылан эрэллэр.
edersaas.ru
Ол курдук, Өймөкөөн улууһун муниципалитетын баһылыга Иннокентий Сивцев уонна Уус Ньара бөһүөлэгин баһылыга Александр Роданич сорудахтарынан бүгүҥҥүттэн элбэх кыбартыыралаах дьиэлэр былаһааккаларын, дьон тирэнэр кирилиэстэрин санитарнай химическэй суурадаһыннарынан сууйан, ыраастаан эрэллэр.
— Улуус киинигэр барыта элбэх кыбартыыралаах 90 дьиэ баарыттан эбиэккэ диэри коммунальнай хаһаайыстыба үлэһиттэрэ 10 дьиэни сууйдулар-соттулар.
Эмп-томп хааччыллыыта үчүгэй. Үлэһиттэрбитин маасканан, тустаах тэрилинэн толору хааччыйбыппыт, — диэн кэпсиир «Өймөкөөн» Управляющай хампаанньа салайааччыта Константин Кванталиани.
Онон улуустарга коронавируһу утары кытаанахтык ылсыбыттара хайҕаллаах суол.
Елена ПОТОЦКАЯ, «Саха сирэ» хаһыат edersaas.ru
Хаартыска — «Оймяконье» УХ архыыбыттан.