«Импульс» НПО Дьокуускай – Магадан хайысхатынан «Халыма» федеральнай суолун бата сибээс оптическай утаҕын тардыы үлэтин бу күннэргэ саҕалаата.
Анивера Акимова, «Саха сирэ» хаһыат, https://edersaas.ru/
Уус Ньараҕа оптика кэлэр ыйга тиийиэхтээҕин туһунан «Сахамедиа» хампаанньаҕа, «Общая забота» бырайыагын чэрчитинэн ыытыллыбыт «төгүрүк остуолун» кэмигэр СӨ Сибээһин уонна информационнай технологияларын миниистирин солбуйааччы Николай Гришаев иһитиннэрдэ.
Оптиканы тардар хампаанньа үлэһиттэрэ билигин Хаандыганы ааһан, Уус Ньараҕа чугаһаабыттар. Өймөкөөн Уус Ньарата Магадан уобалаһыттан 170 килэмиэтирдээх сиргэ баар. Онон кэтэһиилээх оптическай утаҕы Өймөкөөн олохтоохторо эрэ буолбакка, ордук Магадан дьоно-сэргэтэ кэтэһэр. «Кыһыммыт тыйыс тымныы буолан, үлэ тохтуу сылдьыбыта. Бу күннэргэ үлэ сөргүтүлүннэ», – диэн миниистири солбуйааччы бэлиэтээтэ.
Дьокуускай – Магадан хайысхатынан оптическай утаҕы тардыы СӨ бырабыыталыстыбата уонна Магадан уобалаһа 2015 сыллаахха «Импульс» НПО-ны кытары түһэрсибит сөбүлэһиилэрин бэрээдэгинэн ыытыллар.
Хаартыска: Интэриниэттэн.
Анивера Акимова, «Саха сирэ» хаһыат, https://edersaas.ru/