Бүгүн Өймөкөөн оройуонун Уус Ньара олохтоохторо киэһэ 10 ч бары күргүөмүнэн тахсан, «Өйдөбүнньүк чүмэчитэ» аахсыйаҕа көхтөөхтүк кытыннылар.
Александр Тарасов, «Саха сирэ» хаһыат, edersaas.ru
Өймөкөөн улууһун баһылыга Михаил Захаров уонна СӨ быраабыталыстыбатын бэрэссэдээтэлин бастакы солбуйааччы Алексей Колодезников бастакынан эҕэрдэ тылы эттилэр.
«Ол ааспыт улуу сылларга сүгүрүйэр биһиги ытык иэспит. Бу күннэргэ бүтүн Россия үрдүнэн «Өйдөбүнньүк чүмэчитэ» аахсыйа буола турарыгар Россия үгүс олохтооҕо кытынна. Бэҕэһээ маннык аахсыйа Дьокуускай куоракка буолан ааста. Бүгүн Өймөкөөн улууһун үрдүнэн соҕотох хаалбыт Аҕа дойду Улуу сэриитин кыттыылааҕа, Украинскай фронт уоттаах сэриитигэр сылдьыбыт Николай Андреевич Шевченкоҕа дьиэтигэр сылдьан эҕэрдэлээтибит«,— диэтэ Алексей Зосимович.
Биир мүнүүтэлээх чуумпуруу кэнниттэн мустан турар дьон чүмэчилэрин уоттаах сэрииттэн эргиллибэтэх дьон ааттара суруллубут билиитэ таһыгар уурдулар.
Александр Тарасов, «Саха сирэ» хаһыат, edersaas.ru
Ааптар хаартыскаҕа түһэриитэ
https://edersaas.ru/dokuuskajga-jd-b-nn-k-ch-mechite-aktsiya-buolla-haartyska/