Уус Маайа улууһун баһылыга Ил Дарханныын көрүстэ
· - Олох-дьаһах

Уус Маайа улууһун баһылыга Ил Дарханныын көрүстэ

Бэҕэһээ, атырдьах ыйын 3 күнүгэр, Ил Дархан Айсен Николаев Уус Маайа улууһун баһылыга Александр Антипинныын көрүстэ. 

edersaas.ru

Өрүттэр улуу социальнай-экэнэмиичэскэй сайдыытыгар сыһыаннаах боппуруостары дьүүллэстилэр. Улуус баһылыга оройуоҥҥа буола турар баһаар балаһыанньатын сырдатта. Ол курдук, Уус Маайа сиригэр-уотугар 11 баһаар буола турарыттан,  Күп нэһилиэгэр 51 киһи үлэлээн, уоту умуруордулар. 10 ыраах сиргэ баһаар буола турарыттан, иккитэ уот линиятыгар кутталы үөскэтиэн сөбүттэн, хонтуруолга ылылынна.

Уус Маайаҕа коронавирус дьаҥынан ыалдьыбыт киһи суох. Балыыһалар эминэн-томунан  хааччыллыылаахтар. Оттооһун хаамыыта тэтимнээх. 486 киһи, 51 тиэхиньикэ оттооһуҥҥа сылдьар. Баһылык, төһө да кураан буоллар, оттооһун былаана туолуутугар эрэллээх. Улууска 8 мобильнай биригээдэ тэриллибит.

Ил Дарханы кытта кэпсэтиигэ Александр Антипин социальнай эбийиэктэри тутуу, «Амма» айан суолун кэккэ учаастактарын өрөмүөнүн, оптоволокно сибээс олоххо киирэн, сибээс хаачыстыбата тупсуутун, авиабилиэт сыанатын чэпчэтии курдук боппуруостары таарыйда.

Ил Дархан оройуоҥҥа тутулла турар социальнай эбийиэктэри тутууга эбии иһитиннэриини бэлэмнииргэ уонна муниципальнай иэһи аччатыыга үлэ ыытарга сорудахтаата.

 

Елена ПОТОЦКАЯ, «Саха сирэ» хаһыат, edersaas.ru

Хаартыскаҕа Мария Васильева (СИА) түһэриитэ.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

пять × 5 =