Уус Маайа улууһугар бүгүҥҥү күҥҥэ 217 аччыгый уонна дьоҕус биисинэс тэрилтэтэ үлэлиир.
edersaas.ru
Оройуон дьаһалтатын пресс-сулууспата иһитиннэрбитинэн, урбаанньыттар сүрүннээн атыы-эргиэн эйгэтигэр (29,5%), өҥөнү оҥорууга уонна таһаҕаһы, пассажирдары тиэйиигэ (23,8%;), тыа хаһаайыстыбатын (12,3%) салааларыгар үлэлииллэр.
Коронавирус дьаҥын кэмигэр үгүс урбаанньыт дьиэтигэр олорон уустук балаһыанньаҕа ылларбытынан сибээстээн, улуус баһылыга Александр Антипин оройуон урбаанньыттарын өйүүр 162/1 №-дээх уурааҕа таҕыста. Суолталаах докумуоҥҥа нолуогу төлөөһүҥҥэ, сир нолуогар, бэрэбиэркэни ыытыыга, аренданы төлөөһүҥҥэ, туризм салаатын өйөбүлүгэр кэккэ чэпчэтиилэр көрүллэллэрин туһунан ыйылынна.
Урбаанньыттар боппуруостаах буоллахтарына: 88001005880 уонна 89248730097 төлөпүөннэргэ эрийэн билсиэхтэрин сөп.
Елена ПОТОЦКАЯ, «Саха сирэ» хаһыат, edersaas.ru