Уус Маайа улууһун Белькачи сэлиэнньэтигэр 2,5 МВт кыамталаах хочуолунай тутулла турар.
Тутуу атырдьах ыйын 31 күнүгэр түмүктэниэҕэ. Социальнай тэрилтэлэргэ ититэр тиһиктэри ыраастаан сууйаллар. Улууска уматык уонна оттук тиэйиитин былаана — 49 туонна чох. Бастаан чоҕунан Уус Маайа бөһүөлэгин хааччыйдылар. Ититэр тиһик өрөмүөнэ Уус Маайа уонна Петропавловскай бөһүөлэктэригэр ыытылынна. Маны тэҥэ Элдьикээн уонна Эдьээн нэһилиэктэригэр өрөмүөн үлэтэ барар. От ыйын саҥатыгар Солнечнайга өрөмүөнү ыытар бэдэрээччит ититэр тиһиктэргэ үлэлиэҕэ.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1