Уус Маайаҕа 90 миэстэлээх оҕо саадын тутуута түмүктэннэ.
СӨ тутууга уонна дьиэни-уоту кэтээн көрүүгэ управлениета Уус Маайа оройуонун Петропавловскай сэлиэнньэтигэр «Аленушка» оҕо саадын тутуутун бэрэбиэркэлээн баран, бырайыактыыр докумуон ирдэбилигэр сөп түбэһэрин туһунан түмүгү оҥордо. Оҕо саадын туттуну «ЛОРП» ПАУо өйөөтө. Ордук баһаары утары үлэҕэ, санитарнай нуорумаҕа улахан болҕомто уурулунна диэн тустаах управление пресс-сулууспата иһитиннэрдэ.
«Ураты хонтуруол социальнай эбийиэктэри тутууга ууруллар. 90 миэстэҕэ суоттанан тутуллубут аныгы үйэ ирдэбилигэр эппиэттиир оҕо уһуйаана үөрэх тэрилтэлэрин бары ирдэбиллэригэр сөп түбэһэр уонна сотору кэминэн кырачааннарга аанын арыйыа, — диир управлениены салайар Павел Аргунов.
Икки мас куорпус оннугар дьэндэйбит 1 605,54 кв. м. иэннээх икки мэндиэмэннээх дьиэҕэ оҕолор оонньуур сирдэрэ, утуйар хосторо, музыкальнай уонна спортивнай саалалар, мэдиссиинэ хоһо бааллар. Оҕо саадын сиригэр-уотугар оонньуур былаһааккалар, верандалаах күүлэйдиир сирдэр киирэллэр.
+1
+1
+1
+1
+1
+1
+1