ЫБММ Саха сиринээҕи управлениета иһитиннэрэринэн, ыам ыйын 13 күнүн сарсыарда 9 чаастааҕы туругунан, Өлүөнэ көмүөлүн алын кырыыта Хаҥалас Тойон Арыытыгар тиийдэ.
edersaas.ru
Оттон үөһээ кырыыта Өлүөхүмэ Саҥыйахтааҕар баар. Уу таһыма 885 см (кутталлаах таһым 1340 см). Суукка иһигэр 107 км устубут.
Алдан өрүс мууһун алын кырыыта Хаандыгаҕа тиийдэ. Уу таһыма 710 см (кутталлаах таһым 990 см). Оттон алын кырыыта Уус Маайа оройуонугар баар. Уу таһыма 1206 см (кутталлаах таһым 1470 см).
Уус Маайа икки нэһилиэнньэлээх пууна ууга барда. Ол иһигэр 649 тиэргэн, манна 1218 киһи олорор. 280 олорор дьиэ (636 киһи, ол иһигэр 180 оҕо олорор). 17 киһи Элдьикээннээҕи орто оскуолаҕа көһөрүлүннэ.
Амма мууһа Таатта Даайа Амматыгар тиийдэ. Уу таһыма 925 см (кутталлаах таһым 1200 см). Муус суукка иһигэр 17 км устубут.
Халаан уута ылыан сөптөөх сиргэ олорооччулар истиилэригэр:
1. Кыһыҥҥы таҥаһы, бытовой тиэхиньикэни, миэбэли уу тиийбэт сиригэр таһаарыҥ.
2. Эрдэттэн дөкүмүөҥҥүтүн, сылаас таҥаһы, утуйар таҥаһы, аһылык саппааһын, эми-тому бэлэмнээҥ.
3. Халаан уута кэлэр түгэнигэр бэлэмнээбит малгытын ылан эвакуациялыыр пууҥҥа (оскуола дьиэтэ) көһүөххэ, сылгыны-сүөһүнү куттала суох сиргэ үүрэн илдьиэххэ наада.
Биһ.корр., edersaas.ru