Уус Маайаҕа балыыһа комплексын тутуу саҕаланыа

Ааптар: 
Бөлөххө киир:

Быйыл Уус Маайа бөһүөлэгэр балыыһа комплексын тутуу саҕаланыа.

Ил Дархан Айсен Николаев сорудаҕынан 2019 сыллаахха ыытыллыбыт эспэртиисэ түмүгүнэн, эргэ тутуу саахалланар туруктааҕа быһаарыллыбыт. Оттон бүгүн, тохсунньу 26 күнүгэр, Ил Дархан Уус Маайаҕа үлэтинэн тиийэ сылдьан, тутуу ыытыллыахтаах сирин көрдө.

Балыыһа комплексын бырайыагар 4о куойкалаах стационар, симиэнэҕэ 104 киһи сылдьан көрдөрүнэр поликлиникалаах, отделениелардаах, тубдиспансер, гараж уонна да атыттар киирэллэр.

«Бу комплексы тутууга бары ирдэбил учуоттаныа.  Ол иһигэр, коронавирус инфекциятын утары охсуһуу боппуруоһа эмиэ. Мэдиссиинэ тэриллэрэ, былаана, уо.д.а. боппуруостара барыта көрүллүөхтэрэ», — диэтэ Айсен Николаев. Ил Дархан федеральнай уонна өрөспүүбүлүкэ үбүттэн 750 мөл.солк. көрүллүөҕүн иһитиннэрдэ. Тутуу быйыл саҕаланар, 2023 сылга түмүктэнэр. Оттон Солнечнай бөһүөлэгэр 2024 сылга диэри амбулатория тутуллуо.

СӨ Ил Дархан уонна Бырабыыталыстыба пресс-сулууспата

Андрей Сорокин (СИА) хаартыскаларга түһэриитэ 

+1
0
+1
0
+1
0
+1
0
+1
0
+1
0
+1
0