Бу күннэргэ Уус Майа улууһунааҕы Култуура управлениетын үлэһиттэрэ уонна өрөспүүбүлүкэтээҕи «Дьүөгэлэр» пуорум уопсастыбынньыктара оройуоннааҕы киин балыыһа быраастарыгар ыстыгыннаах ыарыыттан харыстыыр түөрт көстүүмү тигэн бэлэх ууннулар.
edersaas.ru
Көстүүмү Майя Пудова уонна Полина Неустроева тиктилэр. Матырыйааллары Амалия Атласова уонна Майя Пудова бэйэлэрин харчыларынан атыыластылар. Балыыһа кылаабынай бырааһа Татьяна Рогожина уонна кини солбуйааччыта Анна Сыроватская уопсастыбанньыктарга ис сүрэхтэриттэн махтаннылар. Биллэн турар, кинилэр маннык харысхал көстүүмҥэ олус наадыйаллара чахчы.
Уопсастыбанньыктар: «Улуустааҕы көмүс хостуур тэрилтэлэр харчынан көмөлөһөллөрө буоллар, маннык сыстыганнаах ыарыыттан харыстанар анал матырыйааллары сакаастаан, Уус Маайаҕа эмчиттэргэ анаан өссө элбэх көстүүмнэри тигиэххэ сөп«, — диэн баҕа санаалаахтар.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1