2017 сылы көрсө Уус Алдан ыччатын уонна устудьуоннарын “Бэрт Хара” түмсүүтэ уон сэттэ үтүө дьыаланы оҥордо. Этэргэ эрэ дөбөҥ. Биллэн турар, ханнык баҕарар дьыаланы ылбычча оҥорбоккун. «Бэрт Харалар» бастаан үтүө дьыала суолтатын өйдүүргэ кыһаллыбыттар. «Дьоҥҥо көмөлөһөр эр бэрдэ», ол эбэтэр «Добрыня» диэн аатынан биллибит Антон Васильевтыын «төгүрүк остуол» тула түмсэн үтүө дьыала диэн тугун ырытыспыттар. Антон бэйэтин уопутун кэпсээбит, инникигэ былаанын сырдаппыт.
Дьэ, бу эрэ кэннэ оҕолор биир нэдиэлэтээҕи былаан оҥостон баран, түһүммүттэр.
- Сайсары күөл муостатын дьаһайбыттар. 12 куул бөҕү хомуйбуттар.
- Тиэтэйэ сылдьар дьон төлөпүөннэрин иитиитэ бүппүтүн ииттэрэн биэрбиттэр.
- Бэтэрээн Матрена Васильевнаҕа дьиэ үлэтигэр көмөлөспүттэр.
- Хаан туттарбыттар.
- Бэтэрээн Светлана Винокуроваҕа дьиэ үлэтигэр көмөлөспүттэр.
- Сэргэлээх уопсайдарын вахтердарыгар сибэкки дьөрбөтүн бэлэхтээбиттэр.
- Автодорожнай факультетын устудьуоннарыгар кофе түҥэппиттэр.
- Кыһыҥҥы халтарааҥҥа кырдьаҕас дьон суолу туорууругар көмөлөспүттэр.
- 14-с уопсай комендана Таисия Николаевнаҕа көмөлөспүттэр
- Сэргэлээххэ “Кыайыыны уһансааччыларга” пааматынньык хаарын ыраастаабыттар, күрдьүбүттэр.
- Саҥа дьыл тыынын киллэрээри, дьоҥҥо мандарин түҥэппиттэр.
- “Соҕотохсуйума, кэлэн куустук” аахсыйаны ыыппыттар.
- Тумууттан харыстанарга диэн, дьоҥҥо мааска түҥэппиттэр.
- Кеша Ноговицын Сибээс коллеһын иннигэр бөтүүк хаар оҥоһугу оҥорбут.
- Өрөспүүбүлүкэтээҕи чөлүгэр түһэрэр киин оҕолоругар кэниэр көрдөрбүттэр, Саҥа дьылынан араас бэлэхтэри ууммуттар.
- Үлэ бэтэрээн Татьяна Рахлееваҕа дьиэ үлэтигэр көмөлөспүттэр.
- 8 саастаах Костя Ноговицыҥҥа көмөлөһөргө “Sakha MMA” диэн аһымал турнир тэрээһинигэр көмөлөспүттэр.
Уус Алдан оҕолорун хайҕалаах холобурдарын флеш-моб хабааннаахтык эһиил сагыахха. Сөбүлэһэр инигит? Онуоха эһиил Дьокуускай куоракка Үтүө санаа сыла. Саха сирин хас биирдии олохтооҕо күн аайы кырата биирдии үтүө дьыаланы оҥордоҕуна, олохпут өссө сырдыа, киэркэйиэ. edersaas.ru