Уус Алдан улууһун Курбуһах нэһилиэгин олохтооҕо Руслан Бурцев 50 төбөлөөх сылгыны тутар баазаны арыммыт. Кини үс сыллааҕыта Сыырдаахтан 40 килэмиэтир тэйиччи турар Уһук Илин гектарын ылбыт.
edersaas.ru
Руслан Бурцев этэринэн, биир гектары биэрэллэрин туһунан иһитиннэрии олус түргэнник кэлбит. Урбаанньыт бу сиргэ олорор дьиэлээх, гараастаах, баанньыктаах улахан баазаны хайдах тутабын, хантан харчы ылабын диэн толкуйга түспүтүм диэн этэр.
—Хата, СӨ Тыа хаһаайыстыбатын министиэристибэтэ ыытар граныгар кыттаммын, ол кэмҥэ сирдээх буоламмын кыайбытым. Грант харчыта улахан көмө буолбута. Биир сыл иһигэр дьыалы-куолу оҥоһуллан, толкуйдаабытым барыта тобулунна. Уһук Илин гектарын туһаҕа киллэриигэ, 2 %-наах ипотека баар. Ол эрээри, мин сирим тыа хаһаайыстыбатын сирдэригэр киирэр буолан, бу бырагыраамаҕа хапсыбатаҕым. Дьыалабын кэҥэттинэр баҕа санаалаахпын. Айылҕа барахсантан биһиги быһаччы тутулуктаахпыт. Быйыл сылгыларга ыарахан кыстык күүтүллэр, – диэн пиэрмэр үллэһиннэ.
Рустам Бурцев этэринэн, Уһук Илин гектара Саха сирин олохтоохторугар элбэх кыаҕы биэрэр. Онон «ыарахаттартан чаҕыйбакка, ылан туттуохха» диэн пиэрмэр эттэ.
Виктория Бястинова, «Саха сирэ» хаһыат, edersaas.ru