Уус Алдан улууһугар Хомустаахха, нэһилиэк тэриллибитэ 80, Улуу Кыайыы 75 сылларынан уонна 2022 сылга улууска ыытыллар спортивнай оонньуулары көрсө тупсаҕай оҥоһуулаах олбуор күрэһэ буолла.
edersaas.ru
Бу тэрээһини улуус Гранын олоххо киллэриинэн сибээстээн, «Хомустаах» ТОС көҕүлээтэ.
Кыайыылаахтары улуустааҕы дьаһалта дьиэ кэргэн уонна эдэр ыччат бэлиитикэтин сүрүннүүр исписэлииһэ Наталья Охлопкова, Лөгөй нэһилиэгин баһылыгын солбуйааччы Николай Попов, «Хомустаах» ТОС салайааччыта Василий Попов дьүүллүүр сүбэ быһыытынан быһаардылар.
1 миэстэҕэ Ксенофонтовтар дьиэ кэргэн, 2 миэстэҕэ Бечекановтар дьиэ кэргэн, 3 миэстэҕэ Бурнашевтар дьиэ кэргэн тигистилэр. Биһирэбил бирииһи Матрена Готовцева ылла.
Ону таһынан, бу Граҥҥа олоҕуран, түөлбэ киин уулуссатыгар олорор тыыл бэтэрээнигэр, элбэх оҕолоох ыалларга, биэнсийэлээх дьоҥҥо, уопсайа 10 ыалга, тиэргэннэрин тупсаралларыгар анаан хаптаһын түҥэттилэр.
Елена ПОТОЦКАЯ, «Cаха сирэ» хаһыат, edersaas.ru
Хаартыска: «Уус Алдан улууһа» МТ
+1
+1
+1
+1
+1
+1
+1