Уус Алдан Бороҕонугар бу нэдиэлэ устата Саха сирин норуоттарын VIII спортивнай оонньуулара бэрт тэрээһиннээхтик, ньиргиэрдээхтик буолуохтара.
Оонньууну уруйдаан, Полина Победа бэртээхэй хоһоону айда.
УУС АЛДАН БАРАХСАН!
Буордаах Бороҕон диэнинэн
Сураҕырбыт дойдубун
Илэ харах, эт кулгаах
Көрө-истэ муһунна!
Кыраныысса сиригэр
Кэрэ көстүү көрүстэ:
Чэпчээн, суунан, тыын ылан
Айан дьоно астынна.
Мүрү, Мүрү барахсан
Мүөттээх сытын билиэҕин,
Баҕарбыттар бука диэн
Сатыы кэлиэ этигит.
Кэлбит эрэ барыта
Сөбүлүүрүҥ буолуоҕа,
Араас элбэх кэрэни
Көрүө, сөҕүө, сэҥээриэ.
Барбатахтар маттаххыт,
Тиксибэтэ тиийбэтэх,
Кэмсиниэҕэ кэлбэтэх —
Уруй кэлбит киһиэхэ!
Майаҕатта саҕаттан
Быһый, күүстээх күөн көрсөр
Түһүлгэтэ бу бүгүн
Муста элбэх чулууну!
Кытааттыннар кыахтаахтар!
Кыайбыт-хоппут кыыспытын
Майаҕатта Бэрт курдук
Сүгүннэрэн да бардын!
Уус Алданым барахсан
Уруй күнүҥ үүннэ дии!
Саха тыллаах, туруктаах
Саргы дьаалыҥ салалыннын!
Полина-Победа,
04.07.2022 с.