Уус Алдан Балаҕаннааҕын олохтоохторугар анаан мобильнай сыһыарыы оҥордулар
Күннээҕи олохпутугар интэриниэтэ, сибээһэ суох сатаммат буоллубут. Онон күннэтэ суотабай төлөпүөммүтүттэн арахсыбаппыт. Уус Алдан улууһун Балаҕаннааҕын көхтөөх ыччата Иван Иванов биир дойдулаахтарыгар анаан сонун мобильнай сыһыарыыны оҥорон бэлэхтээтэ.
— Бу сыһыарыыны ким баҕарар бэйэтин төлөпүөнүгэр хачайдаан туһаныан сөп. Мобильнай сыһыарыыга Балаҕаннаах алааһын историята киирдэ. Нэһилиэк хас сыллаахха төрүттэммитин итиэннэ оскуола, кулууп уонна да атын тэрилтэлэр, урукку холкуостар туһунан иһитиннэриилэр бааллар.
Маны таһынан «Саха сирэ», «Кыым», «Мүрү саһарҕата» хаһыаттар сонуннарын киирэн ааҕыаххытын сөп. Балаҕаннаах Ютуб-ханаала, инстаграм страницата, батсаап бөлөҕө баар. Итиэннэ халлаан туругун, сахалыы кэнсиэрдэри көрүөххэ, араас кэпсээннэри ааҕыаххытын, «Саха» НКИХ, «Якутия24» телеханаалларын онлайн көрүөххитин сөп. Араас оонньуулар эмиэ бааллар, — диэн Иван Иванов саҥа сыһыарыытын туһунан кэпсээтэ.
edersaas.ru