Уус Алдан Суотту нэһилиэгин Саһылыкаан учаастагар «СДК» хочуолунайыгар умайыы тахсыбытын кэнниттэн чөлүгэр түһэрии үлэтэ түмүктэннэ. Сүрүн оборудование эмсэҕэлээбэтэ.
Бэҕэһээ, кулун тутар 3 күнүгэр, хочуолунай учаастагар уот умайан тахсан, СӨ ОДьКХ ГУП салаатын биригээдэтэ саахалы туоратар үлэҕэ туруммута. Бу хочуолунайга кулууп, оскуола, оҕо уһуйаана, биэлсэр пууна, түөрт кыбартыыралаах дьиэ холбонон тураллар. Умайыы тахсыбытын төрүөтэ уонна хоромньу кээмэйэ чуолкайданар.
Ыксаллаах быһыы-майгы тахсаатын кытта вице-премьер Алексей Колодезников СӨ бырабыыталыстыбатыгар хамыыһыйа мунньаҕын тэрийэн ыыппыта. Ол туһунан ОДьКХ уонна энэргиэтикэ министиэристибэтин пресс-сулууспата иһитиннэрэр.
Марианна Тыртыкова бэлэмнээтэ.
Хаартыска — ОДьКХ уонна энэргиэтикэ министиэристибэтин пресс-сулууспатыттан.
+1
+1
+1
+1
+1
+1
+1