ИДьМ Саха сиринээҕи ГИБДД-га управлениета иһитиннэрэринэн, эчэйиини ылбыт оҕолору тута улуустааҕы балыыһаҕа илдьибиттэр. Санатан эттэххэ, киһи өлүүлээх быһылаан алтынньы 14 күнүгэр Уус Алдан Суоттутугар тахсыбыта.
Барыллааһын быһыытынан, алтынньы 14 күнүгэр киэһэ 10 чаас саҕана 43 саастаах Суотту олохтооҕо «Тойота Гайа» массыынатынан оҕолору түҥнэри көппүт. Суоппар ити кэмҥэ итирик туруктаах сылдьыбыт. Алкотестерынан бэрэбиэркэлээбиттэрэ, 0,94 мг/л көрдөрбүт.
Суоппары кытта массыына иһигэр биир киһи баара биллэр. Кинилэр бу иннинэ өрүс кытылыгар олорон икки бытыылка буокканы испиттэр. Суоппар суолга дьон баарын кыайан көрбөтөҕүм диэн иһитиннэрбит. Бу иэдээн түмүгүнэн Холуобунай дьыала тэрилиннэ.
СӨ Доруобуйа харыстабылын министиэристибэтэ иһитиннэрбитинэн, икки оҕо орто ыарахан эчэйиини ылбыт. Билигин оҕолору кытары психологтар үлэлииллэр.
Александр ТАРАСОВ, «Саха сирэ» хаһыат, edersaas.ru
Уус Алдан Суоттутугар итирик суоппар сэттэ оҕону түҥнэри көттө