Бу күннэргэ “СӨ ОДьКХ” ГУП Уус Алданнааҕы уонна Мэҥэ Хаҥаластааҕы филиалларыгар “Гам-КОВИД-Вак” препаратынан коронавирус дьаҥын утары бастакы быһыыны ыллылар.
Быһыыны ылыахтарын иннинэ температураларын, хааннарын баттааһынын уонна тыыныыларын туругун бэрэбиэркэлээтилэр. Терапевт сүбэ-ама биэрдэ. Дьэ, ити кэнниттэн бастакы быһыыларын ыллылар, онтон 21 хонугунан бары быһыы толору кууруһун ылыахтара.
Санатан эттэххэ, COVID-19 утары быһыыны биир бастакынан Муома филиалын үлэһиттэрэ уонна ГУП куораттааҕы салаата ылбыттара, кинилэр быһыыны толору ыллылар. Быһыы иккис түһүмэҕэр атын филиаллар үлэһиттэрэ бэлэмнэнэллэр.
Үлэһиттэр баҕа өттүлэринэн быһыыны ыларга санаммыттар, сорохтор быраастар сүбэлэрин истибиттэр.
“СӨ ОДьКХ” ГУП пресс-сулууспата
Бэлэмнээтэ Женни Стрюкова
Хаартыска: тустаах саайтан