Интэриэһинэй Култуура

Уус Алдаҥҥа Лөгөй Тойон уонна Майаҕатта Бэрт Хара пааматынньыктара турдулар

Лөгөй Тойон уонна Майаҕатта Бэрт Хара пааматынньыктара оҥоһуллан бүтэн, миэстэлэрин булбуттарын туһунан Уус Алдан улууһун телеграм ханаалыгар биллэрдилэр.

Пааматынньыктары оҥоһуллубут сирдэриттэн  илдьиэх иннинэ алгыс түһэриитин сиэрэ-туома ыытыллыбыт.

Бу пааматынньыктар улуус сайдыытыгар анаан тэриллибит пуондаҕа киирбит харчыттан үбүлэммиттэр. Маны таһынан  улуус олохтоохторо, үлэһиттэрэ, үтүө санаалаах меценат дьон кыттыспыт үптэринэн оҥоһуллубуттар.

Бороҕоҥҥо буолаары турар оонньууларга стадиоҥҥа уонна киин болуоссакка улуу төрүттэригэр, Майаҕатта Бэрт Хараҕа, Лөгөй Тойоҥҥо пааматынньыктар туруохтаахтарын туһунан биллибититтэн син балачча кэм ааспыт. Пааматынньыктары оҥорууга биир дойдулаахтара Бэрт Ууһун нэһилиэгин олохтооҕо Владислав Бурцев, кинини сэргэ Амматтан Владимир Левин, Тааттаттан Петр Эляков күһүҥҥүттэн саҕалаан үлэлээбиттэр.

Майаҕатта Бэрт Хара пааматынньыгын үрдүгэ 3 миэтэрэ 60 см тэҥнэһэр. Лөгөй Тойон пааматынньыгын үрдүгэ 2 миэтэрэ 70 см. Хас биирдии скульптура 2,5 туонна кэриҥэ ыйааһыннаах.

 

edersaas.ru

1
0
Telegram Whatsapp