Бүгүн, кулун тутар 10 күнүгэр, Уус Алдан улууһун киинигэр — Бороҕоҥҥо үөрүүлээх быһыыга-майгыга көмпүүтэр томографиятын кэбиниэтэ аһылынна.
Кэбиниэт аһыллыытын сиэригэр-туомугар улуус баһылыга Алексей ФЕДОТОВ, улуус мунньаҕын сэбиэтин бэрэссэдээтэлэ Иван КОЛОДЕЗНИКОВ, ресурснай киин дириэктэрэ Альберт ЖИРКОВ, Мүрү нэһилиэгин баһылыга Василий АММОСОВ, кылаабынай быраас Анна ПЕТРОВА кыттыыны ыллылар.
Улуус баһылыга Алексей ФЕДОТОВ билигин миэдиктэр инсульт, сэбиргэхтэтии курдук ыарыылары эрдэтинэ быһааралларыгар кыах бэрилиннэ диэн эттэ. Маны таһынан Алексей Васильевич улуус СӨ Доруобуйа харыстабылын министиэристибэтин кытары ыкса үлэтин бэлиэтээтэ.
Киин балыыһа кылаабынай бырааһа Анны Саввична: «Искэннээх ыарыыны эрдэттэн булан эмтииргэ туһуламмыт үлэ барар. Бу манна көмпүүтэр томографията оруола улахан«, — диэн эттэ.
Уус Алдан улууһун дьаһалтатын пресс-сулууспата
+1
+1
+1
+1
+1
+1
+1