Өрөспүүбүлүкэтээҕи харах балыыһатын филиала аан бастакытынан илин эҥэр улууһугар аһыллыаҕа. Бу күннэргэ туһааннаах балыыһа үлэһиттэрэ Уус Алдан улууһугар үлэлээтилэр.
«Бүгүҥҥү туругунан 75 киһи харахтарын эпэрээссийэлэтээри барыллаан сүүмэрдээһини аастыдар. Бу Чурапчы уонна Мэҥэ Хаҥалас улууһун олохтоохторо. Кулун тутар бүтүүтэ куораттан офтальмохирургтар кэлэллэрэ күүтүллэр»,- диэн улуустааҕы киин балыыһа кылаабынай бырааһа Анна ПЕТРОВА иһитиннэрдэ.
Санатан эттэххэ, сотору кэминэн харах балыыһатын өссө икки филиала аһыллыаҕа. Биирэ Дьокуускай куорат мэдиссиинискэй киинигэр, иккиһэ Алдан оройуонугар. Билиҥҥи туругунан балыыһа өрөспүүбүлүкэҕэ сэттэ филиаллардаах: Ньурбаҕа, Ленскэйгэ, Өлүөхүмэҕэ, Сунтаарга, Үөһээ Халымаҕа, Нерюнгрига.
edersaas.ru
+1
+1
+1
+1
+1
+1
+1