Уус Алдан улууһун киин балыыһатын баазатыгар, Илин Эҥээргэ офтальмологическай балыыһа бастакы филиала тэриллиэҕэ. Иһитиннэрбиттэринэн, кэлэр сыл тохсунньутуттан үлэтин саҕалыахтаах.
Улуус киин балыыһатын сүрүн бырааһа Анна Петрова:
— Балыыһабытыгар катарактаны эмтиир үрдүк технологиялаах харах эпэрээссийэлэрэ оҥоһуллар буолуохтара. Эпэрээссийэлэри Дьокуускай үрдүкү кылаастаах быраастара кэлэн оҥоруохтара. Онон улуус олохтоохторо дойдуларыттан ырааппакка, харах бырааһын көмөтүн ылыахтара. Эпэрээссийэҕэ сурутууну улуус офтальмолог-бырааһа оҥоруоҕа. Олунньу бүтүүтэ маҥнайгы эпэрээссийэлэр оҥоһуллуохтарын сөп, – диэн иһитиннэрдэ.
+1
+1
+1
+1
+1
+1
+1