Уус Алдаҥҥа дуогабардаах оту тиэйэллэр

Ааптар: 
Бөлөххө киир:

Былырыын  сайын курааннаан уонна күһүн ойуур баһаара туран, Уус Алдан улууһугар оттооһун былаана 95 % туолбута.

Тыа хаһаайыстыбатын управлениета тиийбэт 2465 туонна оту булууга улуус иһиттэн 158,5 туонна уонна улуус таһыттан 2306, 5 туонна Үөһээ Бүлүү, Бүлүү, Сунтаар, Ньурба, Хаҥалас, Нам, Мэҥэ Хаҥалас, Таатта улуустарын, Тулагы нэһилиэгин хаһаайыстыбаларын кытта от атыылаһарга дуогабардары түһэрсибиттэрэ.

«Кулун тутар 7 күнүнээҕи туругунан, улуус хаһаайыстыбаларыгар уопсайа 1553 туонна от таһылынна, ол эбэтэр 63 % тэҥнэһэр. Күһүҥҥү ойуур баһаарыгар 147,5 туонна бэлэмнэммит отторун уокка  былдьаппыт улуус 4 хаһаайыстыбатыгар өрөспүүбүлүкэттэн 590 тыһ. солк. көмө көрүллүбүтэ. Хаалбыт күннэргэ 912 туонна от таһыллара хаалла, бу күннэргэ таһаҕастааһын үлэтэ ыытыллар. Өрөспүүбүлүкэттэн оту таһыыга көрүллүөхтээх көмө харчыта быһаарыллар», — диэн улуустааҕы дьаһалта пресс-киинэ иһитиннэрэр.

Елена ПОТОЦКАЯ, “Саха сирэ” хаһыат, edersaas.ru

Хаартыска – Уус Алдан улууһун дьаһалтатын пресс-сулууспатын тиксэриитэ.

+1
0
+1
0
+1
0
+1
0
+1
0
+1
0
+1
0