Уус Алдан улууһун Кэптэни дэриэбинэтин Лөгөй нэһилиэгин интэринээт-оскуолатыгар 22 оҕо уонна үс үлэһит коронавирус дьаҥар хаптарбыттар.
Улуус үөрэҕин управлениетын салайааччыта Ирина Тарская бэлиэтииринэн, ыалдьыбыт дьон туруктара кэминэн. Оскуола оҕолоро нэһилиэк балыыһатыгар обсерваторга эмтэнэ сыталларын иһитиннэрбит. Нэһилиэккэ алтыннҕы 10 күнүгэр диэри харантыын биллэриллибит. Дьаҥ салгыы тарҕамматын туһугар бары миэрэлэр ылыллыбыттар.
«Улууска үөрэх дьыла балаҕан ыйын 15 күнүттэн саҕаламмыта. Ол эрээри,үс хонон баран, үөрэнээччи ыалдьан, тута анаалыстар ылыллыбыттара. Дьаҥ баарын анаалыс чуолкайдаабытын кэнниттэн, эбии 19 үөрэнээччи ыарыыга сутуллубута биллибитэ. Кэтээн көрүү быһаарыытынан, бу дьаҥы атын улуустан үөрэнэ кэлбит оҕо аҕалбыт. Онон оскуола дистанционнай үөрэххэ толору көстө» — диэн Ирина Тарская иһитиннэрдэ.
Ульяна Захарова.
+1
+1
+1
+1
+1
+1
+1