Уунан таһаҕаһы тиэрдии былаана 86,6% туолла

Бөлөххө киир:

Бастакы вице-премьер Дмитрий Садовников балаҕан ыйын 21 күнүгэр бырабыыталыстыба хамыыһыйатын уу суолунан таһаҕаһы тиэйии туһунан мунньаҕын видеокэмпириэнсийэ көрүҥүнэн ыытта.

Ааспыт сайыҥҥы навигацияҕа таһаҕаһы таһыы былаана 1 075 818,1 туоннаҕа тэҥнэһэр. Бүгүҥҥү туругунан, 1 018,6 тыһыынча туонна таһаҕас тиэйиллибит, ол эбэтэр былаан 94,7%-на туолбут. Бу мантан 931,3 тыһыынча туонна тиэрдиллибит, ол эбэтэр 86,6%. Бу туһунан нэһилиэнньэҕэ куттал суох буолуутун хааччыйар судаарыстыбаннай кэмитиэт бэрэссэдээтэлэ Дмитрий Лепчиков иһитиннэрдэ.

Арктикаҕа 325,2 тыһыынча туонна тиэрдиллэрэ былааннаммытыттан, 294,5 тыһыынча туонна, ол эбэтэр 90,5% тиэйиллибит, 253 тыһыынча туонна (77,8%) тиэрдиллибит.

Навигация бүтэрэ аҕыйах хонук хаалла, онон таһаҕаһы 100% тиэрдиигэ туох уустуктар үөскүөхтэрин сөбүн, уу таһымын, туһунан о.д.а. кэпсэттилэр. Дмитрий Садовников Уус Маайа улууһугар таас чоҕу уонна “Теплоэнергосервис” тэрилтэҕэ Яна өрүһүнэн ньиэби, Нижнеянскай-Уус Куйга хайысханан социальнай суолталаах аһы-үөлү болдьоҕор тиэрдиигэ болҕомтону күүһүрдэргэ сүбэлээтэ.

Ангелина Васильева, “Саха сирэ” хаһыат, edersaas.ru

Хаартыска: sakha.gov.ru

+1
0
+1
0
+1
0
+1
0
+1
0
+1
0
+1
0