Дьэ, алтынньы 30 күнүттэн сэтинньи 7 күнүгэр диэри эпидемиологическай балаһыанньанан сылтаан өрүүбүт. Онон сибээстээн, астыыр-үөллүүр, култуура тэрилтэлэригэр уонна отпуобустарга санитарнай туругу кытаанах хонтуруолга ылыахтара.
«Урукку өттүгэр биир бөлөх эриэйдэҕэ сылдьар эбит буоллаҕына, бу сырыыга түөрт анал бөлөх Дьокуускай куоракка үлэлиэҕэ. Тустаах тэрээһин түүннэри-күнүстэри тохтоло суох ыытыллыаҕа. Саамай сүрүнэ, астыыр-үөллүүр тэрилтэлэр тустаах нуорманы тутуһар үлэлэрин хонтуруоллуохтара. Түүн үҥкүүнү тэрийэр, сынньалаҥ кииннэрин полиция үлэһиттэрэ бэрэбиэркэлиэхтэрэ», – диэн административнай хамыыһыйа бэрэссэдээтэлэ Феликс Антонов эттэ.
Сокуону кэспиттэр 30 тыһ. солк. саҕалаан 300 тыһ. солк диэри ыстырааптаныахтара, оттон төхтүрүйэн түбэспиттэргэ 500 тыһ. солк саҕалаан 1 мөл. солк. диэри ыстыраап ууруллуоҕа.