Ил Дархан Айсен Николаев бүгүн, сэтинньи 5 күнүгэр, быһа эпииргэ таҕыста.
Ил Дархан иһитиннэрбитинэн, бүгүн Суһал ыстаап быһаарыытынан, уһун өрөбүллэр сэтинньи 7 күнүнэн түмүктэнэллэр.
Сэтинньи 8 күнүттэн атыы-эргиэн кииннэрэ, атын тэрилтэлэр QR-куодунан үлэлээн саҕалыыллар.
Уһуйааннар, оскуолалар урукку эрэсииминэн үлэлээн саҕалыыллар. Ол эрээри, миэстэтигэр балаһыанньаттан көрөн Суһал ыстаап быһаарыныылары ылыныан сөп диэн Айсен Сергеевич эттэ.
Хотугулуу-Илиҥҥи федеральнай университет билиҥҥитэ тэйиччиттэн үөрэххэ көспүт.
Манна эбии Ил Дархан эппитинэн, коронавируһу утары быһыыны ылыы тэтимирбит. Саха сирин улахан нэһилиэнньэтин 57 %-а быһыыны ылбыт.
+1
+1
+1
+1
+1
+1
+1