Уулжан Даулетбекова «Мигрант күннүгэ» диэн кинигэтин 2-с чааһа бэчээттэнэн таҕыста.
Кинигэ биһирэмэ А.Е.Кулаковскай аатынан норуоттар доҕордоһууларын дьиэтигэр буолла.
—Саха сиригэр дойдулаахтарым, Киргизияттан кэлбит элбэх киһи олорор. Күннүгүм бастакы чааһа кинилэргэ анаммыта. Оттон иккис чааһа бука барыбытыгар, күндү ааҕааччыларбар ананар. Күннүккэ мин тус көрүүлэрим, санааларым тиһиллэллэр, — диир ааптар. Саҥа күннүк 500 экз тахсыбыт.
Уулжан Кыргызстан Чуй уобалаһыттан Дьокуускайга 2014 сыллаахха кэлбитэ. Күннүгүн бастакы чааһа 2020 сыллаахха тахсыбыта.
Биһирэмҥэ Уулжан күннүктэрин туһунан сырдатта, ыйытыыларга хоруйдаата. Сэһэргэһии олус истиҥ буолла.
+1
+1
+1
+1
+1
+1
+1