Быйыл Үөһээ Бүлүү Кэнтигэр сэрии кыттыылааҕа Данил Николаев-Сэбирдэх аатын сүгэр уулусса саҥалыы өрөмүөннэннэ. Бүгүн ону үөрүүлээхтик аһыы сиэрэ-туома ыытылынна. 950 миэтэрэ уһуннаах уулуссаны Иннокентий Семенов салайааччылаах «Тонго-ВВК» саҥардан оҥордо.
Бу үлэ «2017 сылга өрөспүүбүлүкэ улуустарыгар олохтоох көҕүлээһини өйүүр туһунан» пилотнай бырайыак чэрчитинэн ыытылынна. Санатар буоллахха, Кэнтик дьаһалтата маннык хабааннаах бырагыраамаларга, бырайыактарга, граннарга сатабыллаахтык кыайа тутан кыттар. Уулусса өрөмүөнүгэр өрөспүүбүлүкэ бүддьүөтүттэн 1 мөл. солк., нэһилиэктэн 150 тыһ. солк. көрүллүбүт. Итиннэ олохтоохтор 100 тыһ. солк. хомуйбуттар, тэрилтэлэр 150 тыһ. солк. биэрбиттэр.
Нэһилиэк баһылыга Валерий Николаев уулуссаны оҥорууга олохтоохтор көхтөөхтүк кыттыбыттарын, оннооҕор бэйэлэрин үптэринэн кыттыспыттарын этэр.