Дьокуускайга, Птицефабрика оройуонугар, бэҕэһээ муус уйбакка ууга кулуннаах биэ түспүттэр. Иккиэн сэниэлэрэ эстиэр диэри тахса сатаан мөхсүү бөҕөтүн мөхсүбүттэр.
Итини Птицефабрика оройуонун олохтоохторо көрөннөр, тыллабыр оҥороннор итиэннэ быыһааччылар сатабылларынан, түргэн-тарҕан хамсаныыларынан сылгылар муустаах тымныы уу билиэниттэн этэҥҥэ босхоломмуттар диэн СИА суруйар.
Атахтарыгар кыайан уйуттубат буола тоҥмут, сылайбыт сылгылары быанан соһон таһаараат, өйөөн туруорбуттар, күүстэринэн хаамтарбыттар, сүүрдүбүттэр. Тыын ылан бараннар, дьөһөгөй оҕолоро үөрдэригэр тиийэн холбоспуттар. Сылгылары быыһыырга Птицефабрика оройуонун түөрт олохтооҕо кыттыбыт.
Хаартыскалар: СИА саайтыттан
+1
+1
+1
+1
+1
+1
+1