Сааскы халаан уута Дьокуускай таһынааҕы бөһүөлэктэр сорох дьиэлэрин тиэргэннэрин ылла.
edersaas.ru
Кэлиҥҥи кэмнэргэ сорох дьон уу ылар сирдэргэ дьиэ туттар буолуулара элбээтэ. Үгүстэрэ бэйэлэрэ да билбэттэринэн. Онтон сааскы халаан уута киирдэҕинэ дьэ айманаллар. Халаан уута ылар сирдэр уратытык туһаныллар сир диэн докумуоҥҥа киирэллэр. Бу барыта куорат, бөһүөлэк сайдыытын былааныгар сурукка-бичиккэ тиһиллэн киирэ сылдьар. Онон туһааннаах сирдэргэ дьиэни туттуу бобуллар.
Уу ресурсаларын федеральнай агентствотын Өлүөнэ сүнньүнээҕи ууга управлениета иһитиннэрэринэн, уу ылар сирдэригэр анал инженернэй харысхал туруоруллар.
Халаан уутуттан тахсар хоромньуну аҕыйатар сыаллаах, 2014 сыллаахха муус устар 18 күнүгэр РФ Бырабыыталыстыбатын «Об определении границ зон затопления, подтопления» диэн уурааҕа тахсыбыта. Онно олоҕуран 100 сылга биирдэ ууга барар сирдэр «Ууга барар зоналар» диэн олохтоммуттара.
Саха Өрөспүүбүлүкэтигэр 128 нэһилиэнньэлээх пуун ууга барар зонаҕа киирэр. Ол испииһэги Уу ресурсаларын федеральнай агентствотын Өлүөнэ сүнньүнээҕи ууга управлениетын (lbvu.ru) сайтыгар көрүөххүтүн сөп. Испииһэги оҥорууга ЫБММ, Экология министиэристибэтин чахчылара, олохтоох бэйэни салайыныы уорганнарын үлэлэрэ туһаныллыбыттара. Салгыы ЫБММ, Росприроднадзор, Росгидромет, Росреестр сөбүлэҥин ааспыттара.
Уу ресурсаларын федеральнай агентствотын Өлүөнэ сүнньүнээҕи ууга управлениета
бу дааннайдары судаарыстыбаннай уу росреестрыгар киллэрэр. Онтон ЕГРН киирэр гына Росреестрга ыытар.
Онон нэһилиэк баһылыктара уонна олохтоохтор, тутууну былаанныыр, сир атыылаһар саҕана уу ылар сирдэрин болҕомтоҕо уураргытыгар ыҥырабыт.
Испииһэги манна көрүҥ:
http://lbvu.ru/wp-content/uploads/2019/10/grafik-Respubliki-Saha-YAkutiya-obshhiy.pdf
http://lbvu.ru/deyatelnost/spisok-ustanovlennyh-zon-zatopleniya-na-28-04-2020/
edersaas.ru