Уу туруга уларыйар

Ааптар: 
Бөлөххө киир:

Бүгүн-сарсын, ол эбэтэр тохсунньу 18-19 күннэригэр, уу туруга уларыйар, киһини чэбдигирдэр эмтээх утахха кубулуйар. Итини Сибэтиэй уу диэн ааттыыллар.
Таҥараианство итэҕэлэ ити күннэргэ уу чахчы эмтээх буоларын эмиэ мэктиэлиир.
Чинчийээччилэр уу туруга уларыйарын билэллэр, ол гынан баран туох дьайыытыттан итинник туругу ыларын быһаара иликтэр.
Таҥараианство этэринэн, тохсунньу 7 -19 күннэригэр Үөһээ уонна Аллараа дойдулар ааннара уонна информационнай ханааллара аһыллаллар.
Дьэ ити кэмҥэ, уу туруга уларыйан киирэн барар, онтон тохсунньу 18 -19 күннэригэр муҥутаан уларыйар.
Ааннар аһыллыбыт кэмнэригэр Сир магнитнай хонуута улаханнык күүрбэт.
Онон Кыйаартан түһэр микролептоннай частицалар ууга дьайаллар быһыылаах диэн сабаҕалыахха сөп.
Таҥараианство итэҕэлэ этэринэн, бу Айыы Тойон Таҥара Сир олохтоохторо ыарахан тыыннаах Дьыл аҥарыттан ордук хаалбыт кэмин этэҥҥэ туораан, күөххэ үктэнниннэр, бу ууну туттан чэбдигирдиннинэр диэн оҥорор сүдү Бэлэҕэ буолар.
Онон Айыы Тойон Таҥараҕа бу оҥорбут Бэлэҕин иһин махтанан туран, эмтээх уута бэлэмнэниэҕиҥ.

Сүбэлэр
1. Хантан баҕарар ылыллыбыт уу эмтээх туруктанар.
Онон водороводтан, күөлтэн, өрүстэн өстүөкүлэ, пластмасса, туос иһиккэ уута ылыҥ уонна дьиэ иһигэр ханна баҕарар туруоруҥ, сарсын киэһэ өр хаһаанар иһиккитигэр кутан уурунуҥ. Тимир иһит туттуллубат.
Ити ууну испэккэ эрэ эмтэниллэр.
2. Билиҥҥи уу кирдээх, ол иһин ууну оргутан, сойутан баран, эмп курдук иһэргэ анаан бытыылкаларга кутан хаһааныҥ.
3. Элбэх ууну хаһаана сатаамаҥ. Кэлин 1 чааскы ууга 1 чаайынай ньуоска эмтээх ууну куттаххытына, ол чааскылаах уугут Таҥара уутун курдук эмтээх туруктанар.
4. Бүгүн-сарсын төбөҕүтүн, эккитин Таҥара уутунан суунуҥ, куораттар душтаныҥ, ванналаныҥ.

Онон Айыы Тойон Таҥара биэрбит бэлэҕин турукпутун тупсарынарга хото туһаныаҕыҥ диэн Таҥараианство итэҕэлэ сүбэлиир.

Гавриил Угаров, биология билимин дуоктара, ХИФУ бэрэпиэссэрэ
Хаартыска: vk.com

+1
0
+1
0
+1
0
+1
0
+1
0
+1
0
+1
0