Бэс ыйын 16 күнүгэр СӨ Тырааныспарын уонна суол хаһаайыстыбатын миниистирэ Владимир Сивцев быһа эпииргэ тахсан, ыйытыыларга хоруйдаата.
Edersaas.ru
Уу суудуналарын туһунан ыйытыыга миниистир маннык хоруйдаата:
— Хааччахтаныы эрэсиимиттэн сыыйа тахсан эрэбит. Бэс ыйын 21 күнүгэр диэри пассажирдары таһыы бобуллан турар. Уу тырааныспарын сырыытыгар хааччахтааһын баар – коронавируһунан ыалдьыбатах улуустарга эрэ сырыы көҥүллэнэр. Оттон чааһынай дьон кыра суудуналарынан сылдьаллара бэс ыйын 7 күнүттэн бары улуустарга көҥүллэннэ. Ол эрээри пассажирдары таһыа суохтаахтар.
Көҥүлэ суох пассажирдары таһар дьону тустаах хонтуруоллуур уорганнар тутан, ыстарааптыыллар, рейдэлэри оҥороллор. Эпидемиологическай балаһыанньаны көрөн, хааччахтааһын миэрэлэрэ сыыйа уһуллан иһиэхтэрэ.
Ангелина Васильева, “Саха сирэ” хаһыат, edersaas.ru
Хаартыска: СИА
+1
+1
+1
+1
+1
+1
+1