Хаҥалас улууһун дьуһуурунай чааһыгар Покровскай куорат олохтооҕо, 49 саастаах дьахтартан 25 тыһыынча солкуобай уоруллубутун туһунан үҥсүү киирдэ. Холуобунай ирдэбил үлэһиттэрэ суһаллык көрдөөн 34 саастаах эр киһини туттулар.
edersaas.ru
Уоруу тахсар күнүгэр уорбаланааччы арыгы иһэн баран эмсэҕэлээччи дьиэтин аанын тоҥсуйбут. Кини бу тоҥсуйан баран дьахтар киниэхэ дьиэтигэр тиийэригэр такси өҥөтүн ыҥырарыгар көрдөспүт. Кэпсэтии кэмигэр эр киһи дьахтартан ыстакааҥҥа уу көрдөөбүт. Дьиэлээх хаһаайка уу аҕала куукунаҕа барбыт кэминэн туһанан, дьахтар суумкатыттан харчылаах кумааһынньыгын уорбут.
Уоруллубут харчынан уорбаланааччы арыгы атыылаһан испит. Суһал ирдэбил үлэһиттэрин көмөлөрүнэн сорох харчы хаһаайкатыгар төннөрүллүбүт.
Арассыыйа Федерациятын холуобунай кодексатын «Уоруу» 158 ыстатыйатын 2-с чааһынан холуобунай дьыала тэрилиннэ.
Ульяна ЗАХАРОВА, edersaas.ru
+1
+1
+1
+1
+1
+1
+1