Антонина Гаврильевна уонна Николай Константинович Чирээйэптэр ааттарын сүгэр куорат национальнай гимназиятын, бу үөрэх сылыгар саҥа тэриллибит “Олох үөрэҕэ” этнопедагогика киинин тэрийиилэринэн ыытыллар куораттааҕы төрөппүттэргэ аналлаах бастакы Чирээйэптии ааҕыы буолла. Кэмпириэнсийэ «Мин сайдыым хардыылара» диэн оҕолорго аналлаах сиэксийэтин кыттыылаахтарын кытта кэпсэттибит.
Устуоруйаттан
Чирээйэптии бастакы ааҕыылар 1997 сыллаахха Үөһээ Бүлүүгэ Ороһутааҕы норуот педагогикатын тэрийээччи, академик Константин Спиридонович Чиряев төрөөбүтэ 70 сылыгар ананан тэриллибиттэрэ. Ол кэмтэн сүүрбэ үһүс сылын бу ааҕыылар кэҥээн, сайдан, биир улуус таһымыттан тахсан, өрөспүүбүлүкэ үгүс нэһилиэктэригэр ыытылла тураллар.
Кинилэргэ норуоппут үйэлээх үгэстэрин, тыйыс айылҕалаах хоту дойдубут хонноҕор олорор омук буолан уратыбытын, кэскилбитин тэринэр, олох үөрүйэхтэригэр уһуйар ньымаларбытын, төрүт билиибитин, сатабылбытын үтүө холобур гынан тиэрдэр тэрээһин буолар.
Семенов Александр, Дьокуускайдааҕы национальнай гимназия VI “А” кылааһын үөрэнээччитэ:
— Мин үлэм аата “Удьуор утумун сибээһэ”, бу тиэмэни төрдүс сылын үөрэтэбин. Сэрии иннинэ дьиэ кэргэнэ тугунан дьарыктаммыттарын үөрэтэбин. Кыттыбыт оҕолор үлэлэрин
сэргээн иһиттим.
Бурцева Туйаара X “А” уонна Каратаев Василий IX “А” кылаас үөрэнээччилэрэ, Дьокуускайдааҕы национальнай гимназия:
— Биһиги биир тиэмэҕэ үлэлээтибит. ““Golden Flame” аныгылыы хайысханан ыытыллар бэстибээл” туһунан кэпсээтибит. Бу үлэ сүрүн ис хоһооно – билиҥҥи кэмҥэ үҥкүү
уонна ырыа чөл олоҕу тутуһарга олус улахан суолталаахтарын туһунан буолар. Өрөспүүбүлүкэбитигэр олус элбэх талааннаах оҕолор бааллар, ол оҕолор бэйэлэрин талааннарын көрдөрдүннэр, сайынныннар диэн бу “Golden Flame” бэстибээли салайааччыбытын Анна Семеновнаны кытта тэрийбиппит.
Попова Любовь уонна Евсеев Арчылаан IX “А” кылаас үөрэнээччилэрэ:
—Биһиги тиэмэбит ““Рождественское чудо” аһымал аахсыйа”. Бу аахсыйа хас сыл ахсын кыһын биһиги гимназиябытыгар ыытыллар. Хас да чаастан турар: бастакы “Дьаарбаҥка-
атыы” диэн, онно оҕолор бэйэлэрин оҥоһуктарын атыылыыллар, иккиһэ аһымал кэнсиэр – киирии билиэттэрин атыылаан, көмөҕө ыытабыт. Кыттыбыт оҕолор бары көмөлөһөр
сыаллаах-соруктаах кэлэллэр. Инникитин да маннык үтүө санаалаах сылдьалларыгар баҕарабыт.
Буганова Таня, 2-с №-дээх оскуола III “А” кылааһын үөрэнээччитэ:
— ¥лэм аата “Өбүгэ төрүт оонньуулара”. Маннык күрэстэргэ хаһыспын да кыттабын. Сахалыы өбүгэ оонньууларын туһунан – хамсаныылаах, эт-хаан сайдар оонньуулара. Оҕолор
үлэлэрин олус үчүгэйдэр диэн сыаналаатым.
Вера ЕТТЯНОВА, Дьокуускайдааҕы национальнай гимназия VIII “Б” кылааһын үөрэнээччитэ.
«Саха сирэ» хаһыат, edersaas.ru саайтка анаан.
+1
+1
+1
+1
+1
+1
+1