Усуйаанаҕа сүппүт эр дьонтон биирдэстэрин өлүгүн буллулар

Ааптар: 
Бөлөххө киир:

Бүгүн, сэтинньи 18 күнүгэр, Дьааҥы өрүстэн эр киһи өлүгүн буллулар. Көрдүүр үлэ салҕанар. Бу туһунан Саха сирин «Быыһыыр сулууспатын» пресс-сулууспата иһитиннэрдэ.

Сэтинньи 5 күнүгэр Усть-Куйга бөһүөлэгин участковайыттан СӨ «Быыһыыр сулууспатыгар» алтынньы 30 күнүгэр 1984 уонна 1967 сыллаах төрүөх эр дьон Усть-Куйгаттан Күчүс учаастакка диэри «Буран» снегоходунан барбыттарын уонна төннүбэтэхтэрин туһунан иһитиннэрии киирбит. Нэһилиэнньэ сүппүт дьону көрдөөн саҕалаабыт.

Дьааҥы өрүс 371-с км снегоход муус анныгар түспүт суолун булбуттар, ол аттыгар киһи суола баарын бэлиэтээбэтэхтэр. Өрүһү 1,5 миэтэрэҕэ алларан, «Буран» уонна наарта баарын булбуттар. Эр дьон өлүктэрэ көстүбэтэх. Сэтинньи 11 күнүгэр бу сиртэн биэс миэтэрэ тэйиччиттэн муус анныттан биир эр киһи үрүксээгин уонна саппыкытын булбуттар.

Бу күннэргэ СӨ «Быыһыыр сулууспатын» үс быыһааччыта, сүппүт дьон аймахтара, биир дойдулаахтара, участковай уонна ГИМС иниспиэктэрэ буолан, муус аннын хас даҕаны сиринэн кэйэн, фотовидеокамераны туһанан үлэлии сылдьаллар.

+1
0
+1
0
+1
0
+1
0
+1
0
+1
0
+1
0