Усуйаана оройуонугар сэтинньи 5 күнүгэр Уус Куйга бөһүөлэгин участковайа быыһыыр сулууспаҕа эрийэн, алтынньы 30 күнүгэр икки эр киһи Дьааҥы өрүһү тахсыыга буранынан айаннаан иһэн сүппүттэрин туһунан иһитиннэрбит.
Олохтоохтор бэйэлэрэ көрдөөн баран булбатахтар. Өрүскэ 371 км буран өрүскэ түспүт суолун булбуттар. Хомойуох иһин, бураны уонна наартаны эрэ булбуттар. Сүппүт дьону көрдүүр соруктаах Саха сирин быыһааччыларын сулууспата айаннаабыттара. Уус Куйгаттан өрүскэ 22 км көрдөөһүн үлэлэрэ ыытылыннылар.
Муус тоҥор уонна ситэ тоҥо илик муустаах ууга биир миэтэрэ дириҥҥэ киирии, үлэ быраабылатынан көҥүллэммэт. Оттон уу аннынан көрдүүр тэрил улахан тымныыларга тиэхинньиичэскэй услуобуйанан кыайтарбат. Сэтинньи 11 күнүнээҕи туругунан, өрүскэ биэс миэтэрэ дириҥҥэ, муус анныгар сүппүт дьонтон биирдэстэрин үрүксээгэ уонна саппыкыта көстүбүт. Көрдөөһүн үлэтэ салгыы ыытыллар диэн Саха сирин быыһыыр сулууспата иһитиннэрэр.
Билиҥҥи туругунан көрдөөһүн үлэтигэр уопсайа 18 киһи үлэлиир, онтон үһэ быыһааччы, биирэ ЫБММ үлэһитэ.
Ульяна ЗАХАРОВА, edersaas.ru