Саха киһитэ үксэ Ыһыаҕы эрэнэ кэтэһэр. “Ыарыы бачча үгэннээн турар уустук кэмигэр Ыһыах туһунан толкуйдууллар” диэн кириитикэлиир дьон эмиэ бааллар. Ил Дархан ыһыах туһунан ыйытыыга туох диэн хоруйдаата?
Ил Дархан туһааннаах ыйытыыга: “Ыһыах буолуо диэн эрэнэбин. Ол эрээри, биллэн турар, эпидемияттан тутулуктаах. Өскөтүн бэс ыйын бүтүүтүгэр диэри балаһыанньа тубустаҕына, коронавирус суох буоллаҕына, Ыһыах ыытыллыаҕа. Оттон ыарыы оннунан хааллаҕына, хааччахтыыр миэрэттэн куотуммаппыт”, — диэн хоруйдаата.
Онон, өскөтүн ыһыахтыахпытын, сайыны сайын курдук көрсүөхпүтүн баҕарар буоллахпытына, билигин дьиэбитигэр олоруохтаахпыт. Оннооҕор, Улуу Кыайыы 75 сыла курдук бэлиэ сыл тэрээһинин бүтүн дойду үрдүнэн көһөрдүлэр. Билигин барыта бэйэбититтэн тутулуктаах.
Людмила ПОПОВА, edersaas.ru
Мария ВАСИЛЬЕВА (СИА) хаартыскаҕа түһэриитэ.
+1
+1
+1
+1
+1
+1
+1