Бүгүн, олунньу 1 күнүгэр, «Саха» НКИХ ханаалыгар 11.00 чаастан СӨ бырабыыталыстыбатын 2019 сыллааҕы үлэтин отчуоттаата. Отчуоту бүтүн өрөспүүбүлүкэ дьоно тыҥаан олорон иһиттилэр.
Уопсайа суругунан уонна быһа сибээскэ тахсан 400 ыйытыыны биэрбиттэр. Саамай элбэхтэ киирбит ыйытыылары талан, топ-5 тиэмэҕэ араардылар. Дьону ордук социальнай, доруобуйа харыстабыла, ОдьКХ, тутуу уонна экэниэмикэ долгутар эбит.
Түмүккэ бырабыыталыстыба бэрэссэдээтэлэ Владимир Солодов махтанна уонна үүммүт 2020 сыл Дойдуга бэриниилээх буолуу сылынан, тыыннаах патриотизм баар буоларын туһугар саҥа бырайыактар үлэлиэхтэрэ диэн эттэ. Кини инникибит сайдарын туһугар хас биирдии өрөспүүбүлүкэ олохтооҕо бэйэтин ыйытыытын кулун тутар 15 күнүгэр диэри эбии ыытыан сөбүн иһитиннэрдэ.
Ульяна ЗАХАРОВА, edersaas.ru
+1
+1
+1
+1
+1
+1
+1