Ыам ыйын 7 күнүгэр «Арассыыйа -– мин устуоруйам» устуоруйа пааркатыгар Кыайыы күнүгэр аналлаах норуот күүлэйэ буолла.
edersaas.ru
Бу күн ыалдьыттар бырааһынньык үөрүүтүн билэллэригэр, дьиэ кэргэнинэн туһалаахтык сынньаналларыгар усулуобуйа тэриллибит. Ол курдук, сэрии ырыаларынан кэнсиэрт Хатастааҕы «Тускул» Култуура киинин үлэһиттэрин күүстэринэн тэрилиннэ, кэлбит дьон саллаат куукунатыттан амсайда. Ону сэргэ улахан дьон оҕолорун кытары тииргэ ытыалаатылар. Сорохторго бойобуой наганы илиигэ ылан тутан-хабан көрөр кыах бэрилиннэ. «Временный лагерь красноармейца» хаартыска зонатыгар түһүү тэрилиннэ.
Күнүс 3 чаастан кэмпэриэнсийэлиир саалаҕа «Иван Кульбертинов» киинэҕэ сырыттылар, «Москва иһин кыргыһыы» остуол оонньуута буолла. «Саха сирин буойуннара Аҕа дойду Улуу сэриитин сылларыгар» экскурсиялар босхо ыытылыннылар
Эрдэ суруйтарбыт дьон дьоҕус-танковай биатлоҥҥа турнирга кытыннылар. Онтон олох кырачааннар «Бэһиэлэй стартка» үөрэ-көтө кытыннылар.
Надежда ЕГОРОВА, «Саха сирэ», edersaas.ru