Томпо улууһугар Хаандыга бөһүөлэгин үс олохтооҕор суут бириигэбэрэ таҕыста. Бу уолаттартан биирдэстэрэ урут сууттана сылдьыбыт эбит.
Суут быһаарбытынан, 2017 сыл күһүнүгэр бу урдустар техникум устудьуоннарыгар саба түһэн, суотабай төлөпүөннэрин, харчыларын, таҥастарын былдьаабыттар. Ону ааһан, кырбаан туран, 50 тыһ. солк. түүрэйдээн көрдөөбүттэр.
Суут үһүөннэрин буруйдааҕынан билинэн, биирин 3 сыл 6 ыйга (уонна 100 тыһ. солк. ыстарааптаах), иккиһин 6 сылга (уонна 150 тыһ. солк. ыстарааптаах), үсүһүн 2 сыл 8 ыйга (уонна 80 тыһ. солк. ыстарааптаах) көҥүллэрин быһарга уурда.
Бириигэбэр сокуоннай күүһүгэр киирэ илик, өрүттэр ааһыныахтарын сөп.
Бу туһунан СӨ Борокуратууратын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн