Өрөспүүбүлүкэтээҕи профессиональнай, медицинскэй-социальнай тиэхиньикум-интэринээккэ «Неделя профессиональной направленности» тэрээһин ыытылла турар. Бу тэрээһин чэрчитинэн устудьуоннар тэрилтэлэр үлэлэрин-хамнастарын билсэллэр.
Оннук биир тэрээһин бүгүн буолла. «СКД» (социальнай-култуурунай үлэ) 2 кууруһугар үөрэнэр устудьуоннарга А.Е.Кулаковскай аатынан норуоттар доҕордоһууларын дьиэтигэр дистанционнай экскурсия тэрилиннэ.
Норуоттар доҕордоһууларын дьиэтин сүрүн администратора Александра Сибирякова тэрилтэ отделларын үлэтин-хамнаһын, инники былааны сырдатта, кэнсиэртиир, бэлэмнэнэр саалалары, иистэнэр сыаҕы, тыаска-ууска, уокка-күөскэ эппиэттээх үлэһиттэр хосторун көрдөрдө.
Үөрэхтэрин бүтэрээччилэри үлэнэн хааччыйыыга көмөлөһөр салааны салайар Ульяна Петровна Слепцова, тиэхиньикум программиһа Семён Антонович Алексеев куйаар ситиминэн көрсүһүү ыытыллыытыгар көмөлөстүлэр.
Маннык тэрээһин тиэхиньикумҥа сыл ахсын ыытыллар. Сыала-соруга — устудьуоннары үлэҕэ сыһыарыы, үөрэххэ көҕүлээһин уонна талан ылбыт идэлэринэн үлэ булалларыгар сирдээһин.